İtaliya klubu "Liverpul"un keçmiş futbolçusu ilə gücləndi

"Liverpul"un keçmiş müdafiəçisi Alberto Moreno karyerasını "Komo"ya keçib.

90deqiqe.Az xəbər verir ki, A Seriyasının yeni üzvü 32 yaşlı futbolçunu azad agent kimi transfer edib.

İspan futbolçu 2019-cu ildən “Vilyarreal”da çıxış edirdi. Əvvəllər, 2014-2019-cu illərdə "Sevilya" akademiyasının yetirməsi "Liverpul"un oyunçusu olub. Tərəflər qarşıdakı mövsümün sonuna qədər müqavilə imzalayıblar. Nüfuzlu Transfermarkt portalı Moreno-nu 1,8 milyon avro dəyərində qiymətləndirir.

Xatırladaq ki, B seriyasının son mövsümünün yekununda "Komo" turnir cədvəlində ikinci yeri tutaraq A seriyasına birbaşa vəsiqə qazanıb.