"Mançester Siti" Quimareş qarşılığında "Nyukasl"a bu oyunçuları təklif edir

İngiltərənin "Mançester Siti" klubu Bruno Quimareşi almaq üçün iki istedadlı oyunçusundan birini "Nyukasl"a verə bilər.

90deqiqe.Az “Daily Star"a istinadən xəbər verir ki, "şəhərlilər" müdafiəçi Riko Lyuisi və ya vinger Oskar Bobbu "Nyukasl"a icarəyə verməyə hazırdır.

 “Mançester Siti” “Nyukasla” braziliyalı üçün tələb etdiyi 100 milyon avronu ödəmək istəmir. Premyer Liqa nəhəngi futbolçularından birini icarəyə götürməklə qiyməti 80 milyona endirmək niyyətindədir.

Ötən mövsüm 26 yaşlı futbolçu bütün turnirlər daxil olmaqla 50 oyunda meydana çıxıb, 7 qol vurub və on məhsuldar ötürmə verib.