De Bruyne özünə yeni klub seçir

Belçika millisinin və "Mançester Siti"nin ulduz yarımmüdafiəçisi Kevin De Bruyne komandasını dəyişməyə hazırdır.

90deqiqe.Az-ın "Manchester Evening News"a istinadən məlumatına görə, 33 yaşlı futbolçu karyerasını Səudiyyə Ərəbistanı çempionatında davam etdirmək qərarına gəlib.

De Bruyne "Əl-İttihad"a keçməyə razılaşıb. Səudiyyə klubu hazırda “Mançester Siti” rəhbərliyi ilə danışıqlar aparır.

Kevinin "Siti" ilə müqaviləsi 2025-ci ilin yayına kimi nəzərdə tutulub. Onun transfer qiyməti 50 milyon avro qiymətləndirilir.

Ötən mövsüm De Bruyne 26 oyuna çıxıb, 6 qol vurub, 18 məhsuldar ötürmə edib.