Lukakunun "Napoli"yə keçidi baş tutmaya bilər

"Çelsi"nin forvardı Romelu Lukakunun "Napoli"yə transferi baş tutmaya bilər.

90deqiqe.Az xəbər verir ki, bu barədə jurnalist Ben Ceykobs "X" sosial şəbəkəsində (keçmiş Twitter) yazıb.

O London klubunun futbolçusu üçün 45 milyon avro almaq niyyətində olduğunu lakin "Napoli"nin 25 milyon avro ödəməyə hazır olduğunu qeyd edib.

Əvvəllər Lukakunun özünün "Napoli" oyunçusu olmaq və yenidən Antonio Konte ilə işləmək istədiyi barədə məlumat yayılmışdı.

Lukakunun "Çelsi" ilə əmək müqaviləsi 2026-cı ilə qədərdir. Transfermarkt hücumçunun bazar dəyərini 30 milyon avro olaraq qiymətləndirir.