De Bruyne Səudiyyə Ərəbistanı klubuna keçməyəcək

"Mançester Siti"nin yarımmüdafiəçisi Kevin De Bruyne "Əl-İttihad"a keçməyəcək.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb.

O “Əl-İttihad”ın belçikalı futbolçunun transferlə bağlı razılığa gəldiyi barədə xəbərləri doğru olmadığını və Səudiyyə Ərəbistanı təmsilçisinin bütün diqqətini "Aston Villa"nın yarımmüdafiəçisi Moussa Diabinin transferi üzərində cəmlədiyini qeyd edib.

Səudiyyə klubunun növbəti hədəfi yeni qapıçı ilə müqavilə imzalamaq olacaq. “Əl İttihad” hazırda “Mançester Siti”nin qapıçısı Edersonla danışıqlar aparır, lakin müqavilə bağlamağın çətin olacağı gözlənilir.