- Transfer
- 23:54 22.11.2024
"Çelsi"nin yarımmüdafiəçisi Konor Qallager karyerasını "Atletiko Madrid"də davam etdirə bilər.
90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb.
O Madrid klubunun artıq futbolçunun transferi üzərində işlərə başladığını və "zadəganlar"a ilk təklifi göndərməyə hazırlaşdığını qeyd edib.
Konor Qallager "Çelsi"nin yetirməsidir. Londonluların əsas komandasında bütün yarışlarda 95 oyun keçirib. Transfermarkt portalı 24 yaşlı ingilis yarımmüdafiəçinin dəyərini 50 milyon avro qiymətləndirib.
