"Real Sosyedad"dan İngiltərə nəhənginə

 "Real Sosyedad"ın yarımmüdafiəçisi Mikel Merino karyerasını "Arsenal"da davam etdirə bilər.

90deqiqe.Az-ın "Mundo Deportivo"ya istinadən məlumatına görə, "topçular" baş məşqçi Mikel Artetanın xidmətində şəxsən maraqlı olduğu ispan futbolçuya təklif göndərib.  "Real Sosyedad"ın tezliklə bu təklifə cavab verəcəyi gözlənilir.

28 yaşlı yarımmüdafiəçiyə Transfermarkt 50 milyon avro qiymət qoyub. Futbolçunun müqaviləsinin bir ildən sonra bitəcəyini nəzərə alsaq, "Real Sosyedad" ispaniyalını daha ucuz qiymətə buraxa bilər. Merinos bu yaxınlarda İspaniya millisi ilə Avropa çempionu olub. Son La Liqada yarımmüdafiəçi 5 qol vurub, 3 məhsuldar ötürmə edib.