- Transfer
- 23:54 22.11.2024
"Kristal Pelas"ın hücumameyilli yarımmüdafiəçisi Ebereçi Eze "Mançester Siti"də çıxış edə bilər.
90deqiqe.Az-ın "Mirror"a istinadən məlumatına görə, "şəhərlilər" 26 yaşlı futbolçunu Səudiyyə Ərəbistanı klublarının maraq dairəsində olan yarımmüdafiəçi Kevin De Bruyneyə əvəzedici kimi nəzərdən keçirir. İngiltərə çempionu ingilis futbolçu almaq üçün “Kristal Pelas”a 80 milyon avro (68 milyon funt-sterlinq) ödəməyə hazırdır.
Futbolçu ilə "Tottenhem" də maraqlanır.
Ötən mövsüm Eze bütün yarışlarda 31 matçda iştirak edib, 11 qol vurub və 6 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 55 milyon avrodur.
