"Çelsi" Sterlinqlə bağlı qərar verib

"Çelsi" hücumçusu Rahim Sterlinq ilə yollarını ayırmağa hazırlaşır.

90deqiqe.Az-ın "Todofichajes"ə istinadən məlumatına görə, “təqaüdçülərin” yeni baş məşqçisi Enzo Mareska ingilis futbolçudan yeni mövsümdə yararlanmaq istəmir və komandada yeni hücumçu görmək istəyir.

Sterlinqin "Çelsi" ilə hazırkı müqaviləsi 2027-ci ilin iyun ayının sonuna kimidir.

Transfermarkt portalının ekspertləri onun dəyərini 35 milyon avro qiymətləndirirlər. Sterlinq 2022-ci ildən "Çelsi"də çıxış edir. İngiltərə çempionatının ötən mövsümündə Rahim 31 oyun keçirib, 8 qol vurub və 4 məhsuldar ötürmə edib.