Neveş PSJ-də nə qədər qazanacaq?

"Benfika"nın portuqaliyalı yarımmüdafiəçisi Joao Neveş PSJ-yə keçməyə yaxındır.

90deqiqe.Az-ın "A Bola"ya istinadən məlumatına görə, Paris klubu artıq futbolçu ilə şəxsi razılaşmanın şərtlərini razılaşdırıb - futbolçunun illik maaşı 5 milyon avro, müqavilə isə 5 il müddətinə qüvvədə olacaq. Hazırda klublar transferin detallarını müzakirə edir.

PSJ-nin yarımmüdafiəçi üçün "Benfika"ya bonuslarla birlikdə 70 milyon avro ödəyəcəyi bildirilir.

Yeri gəlmişkən, Neveş "Benfika"da mövsümə 500 min avro maaş alır. 

Ötən mövsüm Neveş 33 matçda iştirak edib və 3 qol vurub.