Trippier Səudiyyə Ərəbistanı klubuna doğru

"Nyukasl"ın və İngiltərə millisinin müdafiəçisi Kieran Trippier karyerasını Səudiyyə Ərəbistanında davam etdirə bilər.

90deqiqe.Az xəbər verir ki, bu barədə insayder Nikolo Skira "X" sosial şəbəkəsində (keçmiş Twitter) yazıb. 

O 33 yaşlı futbolçunun Səudiyyə Ərəbistanından klubların birindən çox cəlbedici təklif aldığını və Trippierin çempionatı dəyişməyə hazır olduğunu qeyd edib.

İngilis müdafiəçinin "Nyukasl"la hazırkı müqaviləsi 2025-ci ilin iyununa qədərdir. Tripierin transfer dəyərini ekspertlər on milyon avro qiymətləndirirlər.

Xatırladaq ki, Kieran Trippier İngiltərə çempionatında “qırxlar”ın tərkibində 28 oyun keçirib, bir qol vurub, on məhsuldar ötürmə edib. Bundan əvvəl müdafiəçi Atletico Madrid, London Tottenham və digər klublarda oynamağı bacarıb.