"Əl-Nəsr"i İspaniya nəhənginə dəyişir

"Əl-Nəsr" və İspaniya millisinin müdafiəçisi Aymerik Laporte "Real Madrid"ə keçə bilər.

90deqiqe.Az-ın “AS”a istinadən məlumatına görə, 30 yaşlı futbolçu bu yay transfer pəncərəsində Səudiyyə komandasını tərk edərək "kral" klubuna keçməkdə maraqlıdır.

Laporte hətta "Real Madrid" oyunçusu olmaq üçün "Əl-Nəsr"lə müqaviləsini pozmağa hazırdır.

Qeyd edək ki, ispaniyalı 2023-cü ilin yayından “Əl-Nəsr”də çıxış edir. Müdafiəçi əvvəllər "Mançester Siti" və "Atletik Bilbao"da çıxış edib.

Xatırladaq ki, ötən mövsüm Aymerik Laport Səudiyyə Ərəbistanı çempionatında 27 oyun keçirib və bu oyunda 4 qol vurub və bir məhsuldar ötürmə edib.