Federiko Kyeza uğrunda mübarizə

"Arsenal" klubu "Yuventus"un hücumçusu Federiko Kyezanı transfer etmək uğrunda mübarizədə "Tottenhem"lə rəqabətə qoşulub.

90deqiqe.Az-ın “TeamTalk”a istinadən məlumatına görə, “topçular”ın nümayəndələri 26 yaşlı futbolçunun mümkün transferi ilə bağlı artıq “Yuventus”la danışıqlara başlayıb. İtalyan futbolçunun özü də Turin klubundan ayrılıb Premyer Liqada özünü sınamağın əleyhinə deyil.

Qeyd edək ki, "Yuventus" Kyezanı 30-35 milyon avroya İngiltərə klublarından birinə buraxmağa hazırdır. Bundan əvvəl mətbuatda "Tottenhem"in Kyezanın transferinə maraqlı olduğu iddiaları yayılmışdı.

Xatırladaq ki, Federiko Kyeza ötən mövsüm İtaliya çempionatında “Yuventus”un heyətində 33 oyun keçirib, bu oyunda 9 qol vurub və iki məhsuldar ötürmə edib.