"Barselona"dan ayrılan futbolçu Niderland nəhənginə keçə bilər

"Barselona"nın sabiq müdafiəçisi Sergi Roberto karyerasını Niderlandda davam etdirə bilər.

90deqiqe.Az xəbər verir ki, bu barədə jurnalist Əmrə Konur "X" sosial şəbəkəsində (keçmiş Twitter) yazıb. 

O ispan futbolçunu transfer etmək üçün "Jirona" və "Valensiya" ilə yarışa “Ayaks”ında qoşulduğunu və Amsterdam təmsilçisinin də futbolçu ilə artıq danışıqlara başladığını qeyd edib.

Xatırladaq ki, Serxi Roberto “Barselona”dan azad agent kimi ayrılıb. Kataloniya klubu müdafiəçi ilə müqaviləni yeniləməmək qərarına gəlib.

Ötən mövsüm Sergi Roberto "Barselona"nın heyətində bütün turnirlərdə 24 oyuna çıxıb, 3 qol vurub və 3 məhsuldar ötürmə edib.