Rafinya Ronaldonun klubuna keçə bilər

"Barselona" klubunun yarımmüdafiəçisi Rafinya karyerasını Səudiyyə Ərəbistanında davam etdirə bilər.

90deqiqe.Az-ın “Sport.es”ə istinadən məlumatına görə,  portuqaliyalı hücumçu Kriştiano Ronaldonun çıxış etdiyi "Əl-Nəsr" klubu braziliyalı futbolçunun xidmətində maraqlıdır.

Səudiyyə klubunun rəhbərliyi Rafinya üçün 100 milyon avro təklif etməyə hazırdır.

Xatırladaq ki, yarımmüdafiəçi 2022-ci ilin yayından “mavi qranat”da çıxış edir. Tərəflər arasında mövcud müqavilə 2027-ci ilin iyunun sonunda başa çatır. Transfermarkt portalı futbolçunun bazar dəyərini 50 milyon avro qiymətləndirir.