"Çelsi" də onun uğrunda mübarizəyə qoşuldu

"Çelsi" klubu "Yuventus" və İtaliya millisinin hücumçusu Federiko Kyezanın transferi uğrunda mübarizəyə qoşulub.

90deqiqe.Az-ın “TeamTalk”a istinadən məlumatına görə, "zadəganlar" 26 yaşlı futbolçunu bu yay transfer pəncərəsində almağa çalışmaq istəyir. "Çelsi" italyan futbolçu uğrunda "Tottenhem", "Arsenal" və "Liverpul"la rəqabət aparacaq.

Qeyd edək ki, "Yuventus" yaxın vaxtlarda Kyezanı satmağa hazırdır. Mütəxəssislər forvardın transfer dəyərini 35 milyon avro qiymətləndirirlər. Xatırladaq ki, ötən mövsüm Federiko Kyeza “Qoca Sinyora”nın heyətində İtaliya çempionatında 33 oyun keçirib, bu oyunda 9 qol vurub və iki məhsuldar ötürmə edib.