"Barselona"nın hücumçusu ərəb klubuna keçməkdən imtina etdi

"Barselona"nın hücumçusu Vitor Roke Səudiyyə Ərəbistanına keçməkdən imtina edib.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O "Əl-Hilal"ın braziliyalını transfer etməkdə maraqlı olsa da, gənc futbolçu Səudiyyə klubunun təklifini rədd etdiyini və futbolçunun heyətdə yer almaq üçün mübarizə apara biləcəyini sübut etmək üçün Blauqrana düşərgəsində qalmaq niyyətində olduğunu qeyd edib.

Xatırladaq ki, Vitor Roke 2024-cü ilin yanvarında “Atletiko Paranaense”dən 40 milyon avroya “Barselona”ya keçmişdi. Ötən mövsüm braziliyalı Kataloniya klubunun heyətində bütün turnirlərdə on altı oyun keçirib və iki qol vurub.