"Milan"ın kapitanı İstanbul nəhənginə keçməkdən imtina etdi

"Milan"ın kapitanı Davide Kalabria Türkiyənin "Qalatasaray" klubuna keçməkdən imtina edib.

90deqiqe.Az xəbər verir ki, bu barədə insayder Matteo Moretto "X" sosial şəbəkəsində (keçmiş Twitter) yazıb. 

O İstanbul klubunun 27 yaşlı futbolçuya səxavətli müqavilə təklif etsə də, Kalabria karyerasını yalnız "Milan"da davam etdirmək istədiyi üçün bundan imtina etdiyini qeyd edib.

Qeyd edək ki, italiyalı müdafiəçinin “rossonerilər”lə hazırkı müqaviləsi 2025-ci ilin iyun ayına qədərdir. Kalabria karyerası boyu “Milan”da çıxış edib.

Xatırladaq ki, Davide Kalabria ötən mövsüm Milan klubunun heyətində İtaliya çempionatında 29 oyun keçirib və bu oyunda 1 qol vurub və 3 məhsuldar ötürmə edib.