Uilyams "Barselona"ya keçmək istəmədi

"Atletik Bilbao"nun hücumçusu Niko Uilyams "Barselona"ya keçmək fikrindən daşınıb.

90deqiqe.Az-ın “AS” nəşrinə istinadən məlumatına görə, 22 yaşlı futbolçu bundan əvvəl karyerasını “Barselona”da davam etdirmək istəsə də, ailəsinin razılığına uyaraq daha bir mövsümü Bask təmsilçisində keçirməyə qərar verib.

Bu yay ispaniyalı futbolçu üçün 58 milyon avro ödəməyə hazır olan Kataloniya klubu danışıqları dayandırmaq niyyətindədir.

Qeyd edək ki, “mavi qranat”la yanaşı, PSJ-nin rəhbərləri Uilyamsın xidmətində maraqlı idilər.

Xatırladaq ki, Niko Uilyams ötən mövsüm “Atletik”in heyətində İspaniya çempionatında 31 oyun keçirib. Forvard 5 qol vurub və 11 məhsuldar ötürmə edib.