Ənvər yeni klubla anlaşdı

“Maynts”dan ayrılan niderlandlı sağ vinger Ənvər Əl-Qazi karyerasını "Kardiff Siti"də davam etdirəcək.

90deqiqe.Az xəbər verir ki, bu barədə klubun mətbuat xidməti məlumat yayıb.

Tərəflər arasında cəmi bir mövsümlük müqavilə imzalanıb. Cinah oyunçusu yeni klubuna azad agent kimi qoşulub.

O, daha əvvəl Almaniya Bundesliqasının "Maynts" klubundan ayrılmışdı. 

29 yaşlı futbolçu "Feyenoord" və "Sparta Rotterdam"ın yetirməsidir. O, karyerası ərzində “Ayaks”, “Aston Villa”, “Lill”, “Everton” və “PSV Eyndhoven” klublarında da çıxış edib. Futbolçu "Maynts"a bir ildən az əvvəl, 2023-cü ilin sentyabrında gəlib. "Kardiff Siti" ötən mövsümü 62 xalla 12-ci pillədə başa vurmuşdu.