"Onu həqiqətən də almaq istəyən bir klub..."

"Leyptsiq"in baş məşqçisi Marko Rouz yarımmüdafiəçi Dani Olmonun "Barselona"ya mümkün transferi ilə bağlı yayılan xəbərlərə münasibət bildirib.

90deqiqe.Az xəbər verir ki, “SkySports"  47 yaşlı çalışdırıcının dediklərini belə çatdırıb:

“Oyunçunun bizimlə qazandığı dəyər var. O, gözəl inkişaf edib. Dani Olmonun nəyə qadir olduğunu hər kəs bilir. Hər kəs futbolçunun dəyərini dərk etməlidir. Buna görə də, onu həqiqətən də almaq istəyən bir klub da Dani Olmonun dəyərlərinə uyğun gəlməlidir”

Ötən mövsüm Dani Olmo "Leypsiq"in heyətində bütün yarışlarda 25 oyuna çıxıb, 8 qol və 5 məhsuldar ötürmə ilə yadda qalıb.