- Transfer
- 23:26 18.09.2024
Fil dişili hücumçu Nikolas Pepe bundan sonra İspaniya Primerasında çıxış edəcək.
90deqiqe.Az xəbər verir ki, 29 yaşlı forvard "Trabzonspor"dan "Vilyarreal"a keçib. Bu barədə İspaniya klubunun mətbuat xidməti məlumatı yayıb.
Nikolas Pepe "sualtı qayıqlar"la 2026-cı ilin yayına kimi nəzərdə tutulan əmək müqaviləsinə qol çəkib. Futbolçu yeni klubuna azad agent kimi keçib.
Ötən mövsüm "Arsenal"ın sabiq futbolçusu Pepe "Trabzonspor"un heyətində bütün turnirlərdə 19 oyun keçirib, 5 qol vurub və iki məhsuldar ötürmə edib.
