"Milan" Emerson üçün "Tottenhem"ə rəsmi təklif göndərib

"Tottenhem"in braziliyalı müdafiəçisi Emerson Royal karyerasını İtaliya A Seriyasında davam etdirməyə yaxındır.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O "Milan"ın 25 yaşlı futbolçunun transferi üçün İngiltərə klubuna rəsmi təklif göndərdiyini və onun üçün 15 milyon avro, həmçinin bonuslar ödəməyə hazır olduğunu qeyd edib.

Tərəflər danışıqları davam etdirir.

Ötən mövsüm 25 yaşlı futbolçu bütün turnirlərdə 24 oyun keçirib və 1 qol vurub. Emersonun "Tottenhem"lə hazırkı əmək müqaviləsi 2026-cı ilin yayına kimi nəzərdə tutulub.