"Barselona" Olmonun transferi ilə bağlı "Leypsiq"lə anlaşıb

"Leypsiq"in yarımmüdafiəçisi Dani Olmo karyerasını "Barselona"da davam etdirəcək.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O Kataloniya klubunun direktoru Dekonun futbolçunun transferi ilə bağlı bu gün Almaniyanın “Leypsiq” rəhbərliyi ilə danışıqlar apardıqdan sonra şifahi razılığa gəldiyini qeyd edib.

"Barselona" Olmonun transferi üçün 55 milyon avro və əlavə olaraq 7 milyon avro bonus ödəyəcək.

Yarımmüdafiəçi Kataloniya komandası ilə 2023-cü ilin iyununa qədər 6 illik müqavilə imzalayacaq.

Ötən mövsüm Dani Olmo "Leypsiq"in heyətində bütün turnirlərdə 25 oyun keçirib, 8 qol və 5 məhsuldar ötürmə ilə yadda qalıb.