"Mançester Yunayted" norveçli futbolçu transfer edir

"Bernli"nin yarımmüdafiəçisi Sander Berge karyerasını İngiltərədə davam etdirə bilər.

 90deqiqe.Az-ın “The Athletic”ə istinadən məlumatına görə,"Mançester Yunayted" norveçli futbolçu ilə maraqlanır. “Qırmızı şeytanlar”ın rəhbərliyi artıq transferlə bağlı 26 yaşlı futbolçunun agentləri ilə danışıqlara başlayıb.

Sander Berge 2023-cü ilin yayında "Şeffild Yunayted"dən on dörd milyon avroya "Bernli"yə keçib. Ötən mövsüm norveçli futbolçu "Bernli"nin heyətində bütün turnirlərdə 40 oyuna çıxıb, iki qol vurub və iki məhsuldar ötürmə edib. Onun müqaviləsi 2027-ci ilin yayına kimi nəzərdə tutulub.