"Vest Hem" dünya çempionunu transfer etdi

 "Betis"in yarımmüdafiəçisi Qvido Rodriqes karyerasını "Vest Hem"də davam etdirəcək.

90deqiqe.Az xəbər verir ki, bu barədə klubun mətbuat xidməti məlumat yayıb.

Futbolçu ilə 2026-cı ilin yayına qədər müqavilə imzalanıb.

Argentinalı futbolçu yeni klubunda olmaqdan xoşbəxt olduğunu bildirib.

“Burada olmaqdan çox şadam. Bilirəm ki, hər bir futbolçunun arzusu Premyer Liqada oynamaqdır və “Vest Hem”in mənimlə maraqlandığını eşidəndə çox həyəcanlandım. Bu, çox böyük tarixi olan, həqiqətən də maraqlı layihəsi olan klubdur.Düşünürəm ki, bu, mənim üçün doğru zamanda, doğru klubdur və ümid edirəm ki, birlikdə böyüməyə davam edə bilərik" 

Xatırladaq ki, Rodriqes Argentina ilə Dünya Kuboku və ikiqat Amerika Kubokunun qalibidir.