PSJ "Mançester Yunayted"-in futbolçusunu almaq istəyir

"Mançester Yunayted"in vingeri Cedon Sanço karyerasını Fransa çempionatında dəyişə bilər.

90deqiqe.Az-ın “ Sky Sports”a istinadən məlumatına görə, PSJ ingilis futbolçunun xidmətində maraqlıdır, artıq futbolçunu almaq üçün "qırmızı şeytanlar"a təklif göndərib. Transferin məbləğinin 46 milyon avro ola biləcəyi qeyd edilir.

Xatırladaq ki, ötən mövsüm Sanço “Mançester Yunayted”in baş məşqçisi Erik ten Haqla münaqişəyə görə “Borussiya Dortmund”a icarəyə verilmişdi. Bu yay futbolçu və məşqçi barışıb və oyunçu “Mançester Yunayted”in əsas heyətində məşqlərə başlayıb. Sançonun "Mançester Yunayted"lə müqaviləsi 2026-cı ilə qədərdir və transfer qiyməti 30 milyon avro olaraq qiymətləndirilir.