"Arsenal" ispan futbolçu üçün "Real Sosyedad" ilə anlaşa bilmir

"Arsenal" yarımmüdafiəçi Mikel Merinonun transferi ilə bağlı "Real Sosyedad"la danışıqları davam etdirir.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O 28 yaşlı futbolçunun "topçular"a qoşulmağa yaxın olduğunu lakin ödəniş şərtləri və bonusların strukturu ilə bağlı razılığa gələ bilmədiyini və hazırda danışıqlar davam etdiyini qeyd edib.

28 yaşlı yarımmüdafiəçiyə Transfermarkt 50 milyon avro qiymət qoyub. Futbolçunun müqaviləsinin bir ildən sonra bitəcəyini nəzərə alsaq, "Real Sosyedad" ispaniyalını daha ucuz qiymətə buraxa bilər. Merinos bu yaxınlarda İspaniya millisi ilə Avropa çempionu olub. Son La Liqada yarımmüdafiəçi 32 oyuna çıxıb, 5 qol vurub və 3 məhsuldar ötürmə edib.