"Atletiko Madrid" müdafiəçi alır

"Feyenoord"un və Slovakiya millisinin müdafiəçisi David Qancko karyerasını "Atletiko Madrid"də davam etdirə bilər.

90deqiqe.Az xəbər verir ki, bu barədə insayder Eduardo Burqos "X" sosial şəbəkəsində (keçmiş Twitter) yazıb. 

O Madrid klubunun 26 yaşlı oyunçunun transferi ilə bağlı "Feyenoord"la danışıqlar apardığını qeyd edib.

Qeyd edək ki, Qanzkonun Hollandiya komandası ilə hazırkı müqaviləsi 2028-ci ilin iyun ayına qədərdir və onun transfer dəyəri ekspertlər tərəfindən 35 milyon avro dəyərində qiymətləndirilir. Bundan əvvəl Qancko "Sparta Praqa", "Fiorentina" və "Zilina"da oynamağı bacarıb.

Xatırladaq ki, David Qanzko ötən mövsüm “Feyenoord”un heyətində Hollandiya çempionatında 34 oyun keçirib, bu oyunda 5 qol vurub və iki məhsuldar ötürmə edib.