De Xeanın yeni klubu bəlli oldu

“Mançester Yunayted”in keçmiş qapıçısı David De Xea karyerasını "Fiorentina"da davam etdirəcək.

90deqiqe.Az xəbər verir ki, ispan qapıçı yeni klubu ilə müqavilə imzalamaq üçün Florensiyaya gəlib

Bənövşəyilər qapıçı ilə 2024/25 mövsümünün sonuna qədər (daha bir il uzadılma ehtimalı ilə) müqavilə imzalayacaqlar. Transfer azad agent kimi baş tutacaq.

Xatırladaq ki, David De Xea 2011-2023-cü illərdə “Mançester Yunayted”də çıxış edib. Ötən yay qolkiperin “qırmızı şeytanlar”la müqaviləsi başa çatıb və qapıçıya yeni müqavilə təklif olunmayıb. De Xea yeni komanda tapa bilmədiyi üçün 2023/24 mövsümünü azad agent kimi buraxdı.