PSJ koreyalını 70 milyon avroya satmaqdan imtina edib

PSJ yarımmüdafiəçisi Li Kanq-İni buraxmaq istəmir.

90deqiqe.Az xəbər verir ki, bu barədə jurnalist Santi Au "X" sosial şəbəkəsində (keçmiş Twitter) yazıb. 

O Səudiyyə Ərəbistanı klubların koreyalı futbolçunun transferinə maraqlı olmasına və futbolçunun transferi üçün 70 milyon avro təklif etməsinə baxmayaraq parislilərin onu əldən buraxmaq istəmədiyini qeyd edib.

Qeyd olunur ki, ötən ay PSJ İngiltərə Premyer Liqasının bir komandasından Li Kanq-in üçün yetmiş milyon avroluq təklifi artıq rədd etmişdi. Ötən mövsüm koreyalı yarımmüdafiəçi PSJ-nin heyətində bütün turnirlərdə 36 oyuna çıxıb, 5 qol və 5 məhsuldar ötürmə ilə yadda qalıb.