Maquayr "Yuventus"a keçə bilər

"Mançester Yunayted"in müdafiəçisi Harri Maquayr karyerasını İtaliyada davam etdirə bilər.

90deqiqe.Az-ın “Corriere Dello Sport”a istinadən məlumatına görə, “Yuventus” “Vest Hem”ə keçmək variantını seçən “Nitsa”nın müdafiəçisi Jan-Kler Todibonun transferini rəsmiləşdirə bilməyib. İndi Turin klubu Todiboya alternativ ola biləcək Maquayrı transfer etmək variantını nəzərdən keçirir. Artıq ingilis futbolçunun agenti ilə danışıqlara başlanılıb.

Ötən mövsüm Harri Maquayre "Mançester Yunayted"in heyətində bütün turnirlərdə 31 oyuna çıxıb, 4 qol vurub və iki məhsuldar ötürmə edib. Müdafiəçinin "qırmızı şeytanlar"la müqaviləsi 2025-ci ilin yayına kimi nəzərdə tutulub.