"Çelsi" qapıçısını icarəyə verdi

"Çelsi" qapıçısı Qabriel Sloninanı "Barnsli"yə icarəyə göndərib.

90deqiqe.Az xəbər verir ki, bu barədə klubun mətbuat xidməti məlumatı yayıb.

Amerikalı qolkiper 2024/25 mövsümünün sonuna qədər Birinci Liqa təmsilçisinin uğurları üçün çalışacaq. Sövdələşməyə qapıçının satın alınması variantı daxil olunmayıb.

Xatırladaq ki, Qabriel Slonina 2022-ci ilin yayında 9 milyon avroya "Çikaqod"an "Çelsi"yə keçmişdi. Bundan sonra qapıçı icarə əsasında “Çikaqo” və belçikalı “Eupen”də çıxış edib. Ötən mövsüm 20 yaşlı qolkiper Eupen üçün bütün yarışlarda 34 oyun keçirib, burada 65 qol buraxıb və beş oyunda qapısını təmiz saxlayıb.