"Çelsi" bu oyunçuların satışından 200 milyon avro gəlir gözləyir

"Çelsi" klubunun rəhbərləri yaxın vaxtlarda futbolçularının kütləvi satışı təşkil etməyi planlaşdırır.

90deqiqe.Az-ın “Daily Mail”ə istinadən məlumatına görə, "təqaüdçülər" yay transfer pəncərəsi bağlanana qədər çoxlu sayda futbolçunu ümumilikdə 200 milyon avroya satmaq niyyətindədir.

Belçikalı hücumçu Romelu Lukaku, müdafiəçilər Ben Çilvell və Trevo Çalobah, Rahim Sterlinq, Konor Qallaqer, Karni Çukvuemeka, Armando Broya, Noni Madueke və digər mavilərin futbolçuları London klubunu tərk edə bilər.

Xatırladaq ki, bu yay komandaya əvvəllər “Lester”lə çalışmış Enzo Mareska başçılıq edirdi. Premyer Liqanın yeni mövsümünün ilk turunda London təmsilçisi “Mançester Siti” ilə qarşılaşacaq.