PSJ Sançonu transfer etməkdə israrlıdır

PSJ "Mançester Yunayted"dən cinah yarımmüdafiəçisi Cedon Sançonu transfer etməkdə israrlıdır.

90deqiqe.Az-ın “ L'Equipe”yə istinadən məlumatına görə, ingilis futbolçu ilə şəxsən baş məşqçi Luis Enrike və idman direktoru Luis Kampos maraqlıdır. Hər iki mütəxəssis komandada həm yaradıcılıq, həm də effektivlik təmin edəcək cinah oyunçusu istəyir. Tərəflər arasında danışıqlar davam edir.

Daha əvvəl "Mançester Yunayted"in ingilis futbolçunu yalnız 50 milyon avroluq təzminat müqabilində buraxacağı bildirilirdi. Sanço ötən mövsümün ikinci yarısını Çempionlar Liqasının finalına yüksəlməsinə kömək edən Dortmund Borussiyasında icarə əsasında keçirdi.