- Transfer
- 23:54 22.11.2024
"Real Madrid"in yarımmüdafiəçisi Dani Seballos rəhbərlikdən onu başqa komandaya buraxmağı xahiş edib.
90deqiqe.Az xəbər verir ki, bu barədə jurnalist Gilyermo Rain "X" sosial şəbəkəsində (keçmiş Twitter) yazıb.
O ispaniyalının bu yay “kral klubu”nu tərk etmək istədiyini və bunun üçün transfer təklifi aldığı təqdirdə “Real”ın rəhbərliyinin bu nəzərdən keçirib transferinə razılıq göstərməsini xahiş etdiyini qeyd edib.
Məsələ burasındadır ki, “Real” hələ də kiçik üçün heç bir təklif almayıb.
Ötən mövsüm Seballos İspaniya çempionatında 20 oyun keçirib və 2 məhsuldar ötürmə edib. 28 yaşlı yarımmüdafiəçi daha əvvəl İngiltərədə "Arsenal" klubunda çıxış edib.
