"Çelsi" onunla bağlı qərarını verdi

"Çelsi" hücumçu Nikolas Ceksonla müqaviləni uzatmaq niyyətindədir.

90deqiqe.Az xəbər verir ki, bu barədə jurnalist Ekrem Konur "X" sosial şəbəkəsində (keçmiş Twitter) yazıb. 

O London klubunun seneqallı forvarda 2033-cü ilin yayına qədər yeni müqavilə təklif etmək istədiyini qeyd edib.

Futbolçunun "mavilər"lə hazırkı müqaviləsi 2031-ci ilin yayına kimi nəzərdə tutulub. Belə ki, "Çelsi" seneqallı ilə müqaviləni daha iki mövsüm uzatmaq istəyir.

Nikolas Cekson 2023-cü ilin yayında 37 milyon avroya "Vilyarreal"dan "Çelsi"yə keçib. Ötən mövsüm hücumçu London klubunun heyətində bütün turnirlərdə 44 oyun keçirib, on yeddi qol vurub və altı məhsuldar ötürmə edib.