“Barselona”da hədəf dəyişdi

"Liverpul"un hücumçusu Luis Diaz karyerasını "Barselona"da davam etdirə bilər.

90deqiqe.Az-ın "Mundo Deportivo"ya istinadən məlumatına görə, Kataloniya rəhbərliyi 27 yaşlı futbolçunu almaq üçün 55-60 milyon avro xərcləməyə hazırdır. Bildirilir ki, “Liverpul” Diazın satışından “Barselona”nın ödəyə biləcəyindən daha çox pul qazanmaq istəyir.

Ötən mövsüm Diaz bütün turnirlər daxil olmaqla 51 matçda meydana çıxıb, 13 qol vurub və 5 məhsuldar ötürmə verib. Kolumbiyalı futbolçunun "Liverpul"la müqaviləsi 2027-ci ilin ortalarına qədərdir. Nüfuzlu Transfermarkt portalının ekspertləri Diazın dəyərini 75 milyon avro qiymətləndirirlər.