"Marsel" qapıçısını "Jirona"ya icarəyə verib

"Marsel" klubunun qapıçısı Pau Lopez karyerasını "Jirona"da keçirəcək.

90deqiqe.Az xəbər verir ki, La Liqa klubu ispan qapıçını mövsümün sonuna qədər icarə əsasında heyətinə qatıb.

"Jirona" komandası bu mövsüm başa çatdıqdan sonra 29 yaşlı qapıçını altı milyon yarım avroya almaq opsiyasına malik olacaq.

Qeyd edək ki, bundan əvvəl mətbuatda Lopesin bu yay "Komo"ya keçə biləcəyi ilə bağlı xəbərlər yayılmışdı.

Xatırladaq ki, ötən mövsüm Pau Lopez "Marsel"in heyətində Fransa çempionatında 33 oyun keçirib, səkkizində qapını təmiz saxlaya bilib. Lopez əvvəllər “Roma”, “Betis” və “Espanyol”da çıxış edib.