Sanço "Mançester Yunayted"i "Çelsi"yə dəyişə bilər

"Mançester Yunayted"in yarımmüdafiəçisi Cedon Sanço karyerasını "Çelsi"də davam etdirə bilər.

90deqiqe.Az-ın “Fussball.news”a istinadən məlumatına görə, Londonlular həm 24 yaşlı ingilis futbolçunu icarəyə götürmək, həm də birdəfəlik almaq transfer variantını nəzərdən keçirirlər.

Qeyd edək ki, bundan əvvəl mətbuatda Sançonun PSJ-yə keçə biləcəyi ilə bağlı xəbərlər yayılmışdı, lakin hazırkı Fransa çempionu yarımmüdafiəçi üçün 60 milyon avro ödəmək istəməmişdi.

Xatırladaq ki, Cedon Sanço ötən mövsümün ikinci yarısında Çempionlar Liqasının finalına yüksəldiyi Dortmund “Borussiya”sında icarə əsasında çıxış edib.