- Transfer
- 23:54 22.11.2024
"Çikaqo Fayr"dan ayrılan yarımmüdafiəçi Xerdan Şaqirinin yeni klubu bəlli olub.
90deqiqe.Az xəbər verir ki, 32 yaşlı futbolçu sabiq klubu "Bazel"ə keçib. İsveçrəli futbolçu ilə 2027-ci ilin ortalarına qədər üç mövsümlük müqavilə imzalanıb.
Qeyd edək ki, Şaqiri "Bazel" akademiyasının yetirməsidir. Futbolçu 2012-ci ilin yayında doğma klubundan ayrılaraq "Bavariya"ya keçib. İsveçrəli daha sonra “İnter”, “Stok Siti”, “Liverpul”, “Lion” və “Çikaqo Fayr”da çıxış edib. Şaqiri İsveçrə millisində 125 oyun keçirib.
