Temmi Abrahamın transfer qiyməti açıqlanıb

"Roma"nın hücumçusu Temmi Abraham Səudiyyə Ərəbistanına keçə bilər.

90deqiqe.Az xəbər verir ki, bu barədə insayder Nikolo Şkira  "X" sosial şəbəkəsində (keçmiş Twitter) yazıb. 

O Səudiyyə klublarının ingilis forvardı transfer etməkdə maraqlı olduğunu və “Roma” futbolçusunun satışından iyirmi beş milyon avro qazanmaq istədiyini qeyd edib.

Xatırladaq ki, Tammi Abraham 2021-ci ilin yayında 41 milyon avroya “Çelsi”dən “Roma”ya keçib. Ötən mövsüm hücumçu "Roma" klubunun heyətində cəmi 12 oyun keçirib, bir qol və bir məhsuldar ötürmə edib. Son kampaniyada oyunların az olmasına səbəb futbolçunun zədələnməsidir.