“Real” da onun uğrunda mübarizəyə qoşuldu

"Real Madrid" yeni müdafiəçi axtarışlarına başlayıb.

90deqiqe.Az-ın “Todofichajes”ə istinadən məlumatına görə, “Everton”da çıxış edən Cerred Brantueyt “Los Blancos”un maraq dairəsinə düşüb.

“Kral” klubunun baş məşqçisi Karlo Ançelotti şəxsən bu futbolçunun transferində maraqlıdır. Brantueyt üçün yarışda La Liqa çempionunun əsas rəqibi "Mançester Yunayted"dir. “Qırmızı şeytanlar” bu transfer üçün 70 milyon avro xərcləməyə hazırdır.

22 yaşlı ingilis 2020-ci ilin yanvarından "Everton"da çıxış edir. Tərəflər arasında mövcud əmək müqaviləsi 2027-ci ilin iyun ayının sonunda başa çatır.