Gürcü qapıçı "Valensiya"nı “Liverpul”a dəyişəcək

Gürcüstanlı qapıçı Giorgi Mamardaşvili İspaniyanın "Valensiya" klubundan "Liverpul"a keçməyə yaxındır.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O İngiltərə klubunun qapıçının transferi üçün 35 milyon avro qarşılığında La Liqa klubu ilə razılaşdığını və qolkiperin ən azı növbəti mövsümü icarə əsasında "yarasalar"da keçirəcəyini qeyd edib.

İspaniya çempionatının 2023/2024 mövsümündə Georgiy “yarasalar”ın heyətində 37 matçda iştirak edib. Qapıçı 41 qol buraxıb. Əlavə edək ki, Mamardaşvili Avro-2024-də Gürcüstan millisinin heyətində 4 oyun keçirib.