Niko Uilyams Premyer Liqa nəhənginə keçir

"Arsenal" klubu Bilbao "Atletik"inin gənc ispan hücumçusu Niko Uilyamsın transferini rəsmiləşdirmək istəyir.

90deqiqe.Az-ın “The İndependent”a istinadən məlumatına görə, "topçular” 22 yaşlı futbolçu üçün bask klubunun tələb etdiyi məbləği ödəməyə hazırdır.

Qeyd edək ki, bundan əvvəl mətbuatda Uilyamsın "Barselona"ya keçəcəyi ilə bağlı çoxlu şayiələr yayılmışdı, lakin kataloniyalılar ciddi maliyyə problemləri yaşayırlar və transfer məbləğində Atletiklə razılaşa bilmirdilər. Transfermarkt portalının ekspertləri Uilyamsın dəyərini 70 milyon avro qiymətləndirir.

Xatırladaq ki, Niko Uilyams ötən mövsüm “Atletik”in heyətində İspaniya çempionatında 31 oyun keçirib. Forvard 5 qol vurub və 11 məhsuldar ötürmə edib.