Hummelsin yeni klubu bəlli oldu

Dortmund "Borussiya"sının sabiq müdafiəçisi Mats Hummels karyerasını İspaniyanın "Real Sosyedad"ında davam etdirəcək.

90deqiqe.Az-ın “Relevo”ya istinadən məlumatına görə, alman futbolçu La Liqa klubu razılığa gəlib. Yaxın günlərdə tərəflər arasında müqavilə imzalanacaq.

Xatırladaq ki, bu yay 35 yaşlı Hummels Dortmund klubundan azad agent kimi ayrılmışdı. Daha əvvəl təcrübəli alman üçün "Malyorka" və İngiltərənin "Brayton" klublarının da mübarizə apardığı bildirilirdi. Ötən mövsüm Hummels "Borussiya"nın heyətində 40 oyun keçirib və bu oyunda 4 qol vurub və bir məhsuldar ötürmə edib. İndi Transfermarkt portalı əvvəllər də "Bavariya"da çıxış edən müdafiəçini 5 milyon avroya qiymətləndirir.