“Əl-Nəsr” braziliyalı üçün 20 milyon avro ödəyəcək

Səudiyyə Ərəbistanının “Əl-Nəsr” klubu “Korintians”ın gənc hücumçusu Ueslini heyətinə qatmaq istəyir.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O Səudiyyə Ərəbistanı təmsilçisinin 19 yaşlı braziliyalı futbolçu üçün 20 milyon avro və bonus olaraq daha 5 milyon avroya yaxın ödəməyə hazır olduğunu və hazırda danışıqların davam etdiyini qeyd edib.

Qeyd edək ki, “Əl-Nəsr”də Kriştiano Ronaldo, Sadio Mane və Marselo Brozoviç kimi məşhur futbolçular çıxış edir. Xatırladaq ki, Ueslinin Braziliya klubu ilə hazırkı müqaviləsi 2027-ci ilin dekabrına qədərdir. Gənc forvard “Korintians”da 84 oyun keçirib, 7 qol vurub və 6 məhsuldar ötürmə edib.