"Napoli" "Mançester Yunayted"in futbolçusu ilə gücləndi

"Mançester Yunayted"in şotlandiyalı yarımmüdafiəçisi Skott MakTominay karyerasını İtaliyada davam etdirəcək.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O "Napoli"nin 27 yaşlı yarımmüdafiəçinin transferi üçün İngiltərə klubu ilə 30 milyon avro qarşılığında razılaşdığını və tərəflərin yaxın vaxtlarda əl sıxaraq yarımmüdafiəçinin transferini rəsmən açıqlayacaqlarını qeyd edib.

 Şotlandiya millisinin futbolçusu MakTominay ilə mankunianlılar arasındakı hazırkı müqavilə 2025-ci ilin iyun ayına qədərdir.