Real Madrid'də futbolçu Pol Poqbanın transferi ilə bağlı yaranan qeyri-müəyyən vəziyyətdən sonra Doni Van de Bekin adı gündəmə gəlib.
Corner.az xarici mətbuata istinadən xəbər verir ki, son günlərdə Zinəddin Zidanın israrı ilə Pol Poqbanı transfer etmək istəyən "Kral klubu" Mançester Yunaytedin fransalı futbolçusunu satmaq istəməməsinə görə çıxılmaz vəziyyətə düşüb. Bu səbəbdən B planına keçib və Ayaks'ın futbolçusu Doni Van de Beki transfer etmək qərarına gəlib. Hollandiyalı futbolçunun təzminat qiymətinin 40-50 milyon avro olduğu bildirilir.
Qeyd edək ki, 22 yaşlı futbolçu Ayaks-da 31 qol atıb və 24 məhsuldar ötürmə edib.
