Balotellinin BƏƏ və Qətərdən təklifləri var

Hücumçu Mario Balotelli özünə yeni klub axtarır.

90deqiqe.Az xəbər verir ki, bu barədə insayder Nikolo Şira "X" sosial şəbəkəsində (keçmiş Twitter) yazıb. 

O italyan forvardı azad agent kimi transfer etməkdə Qətərdən "Əl-Əhli" və BƏƏ-dən "Əl-Ayn" klublarının maraqlı olduğunu qeyd edib.

 34 yaşlı Balotellinin son klubu bu yay tərk etdiyi Türkiyə təmsilçisi "Adana Dəmirspor" olub. İtaliyalı hücumçu ötən mövsüm Türkiyə çempionatında "Adana"nın heyətində on altı oyun keçirib, 7 qol vurub və bir məhsuldar ötürmə edib. Balotellinin hazırkı transfer qiyməti cəmi 650 min avro olaraq qiymətləndirilir.